Доржсүрэнгийн Үүрийнтуяа бол төрд нүүрлэсэн авлигачдын эсрэг, Эрдэнэтийн луйврыг зогсоож, 49 хувийг хууль бусаар эзэмшилдээ авсан бүлэглэлийн эсрэг бидэнтэй хамт шүгэл үлээлцсэн Монгол төрийн шударга албан хаагч юм шүү.

Төрийн санхүүгийн ноён нуруу болон ажиллаж чадна гэдэгт итгэлтэй байна.
Эрдэнэт үйлдвэрийн хүнд сорилтын жилүүдэд Д.Үүрийнтуяа захирал уурхайчидтайгаа мөр зэрэгцэн эмэгтэй хүний торгон ухаанаар хөдөлмөрч, хариуцлагатай эрхэм чанараа харуулан ажиллаж чадсан доктор эмэгтэй. Түүнийг бид шийдвэр гаргах түвшинд эдийн засгийн өргөн мэдлэг, эмэгтэй хүний мэдрэмжээр манлайлж төрийн САНХҮҮГИЙН НОЁН НУРУУ болон ажиллаж чадна гэдэгт итгэлтэй байна.

“ Д.Үүрийнтуяад илүү их амжилт гаргах нөөц боломж байгаа
Эмэгтэйчүүд, хүүхдүүд, ахмад настнуудын төлөө Д.Үүрийнтуяа хангалттай сайн ажиллаж байгаа. Хийж буй ажлаас нь тухайн хүний оюуны чадамж, сэтгэл, мэдлэг, боловсрол, хандлага харагддаг. Д.Үүрийнтуяа төр түшилцэж нийгэм рүү чиглэсэн олон чухал шийдвэрүүдийг гаргалцаж чадах жинхэнэ ХҮЧИРХЭГ ЭМЭГТЭЙ.

Д.Үүрийнтуяа захирал бол Эрдэнэт үйлдвэрийн удирдлагын багт ажиллаж байгаа гурав дахь, санхүүгийн анхны бөгөөд хамгийн залуу захирал.
Уурхайчин хамт олны бүтээсэн баялгийг бүтээгдэхүүн болгож зөв зохистой зүйлд хөрөнгө оруулах, үр ашигтай зарцуулахад мэргэшсэн эдийн засагчийн хувьд хяналттай, сайн ажиллаж чадсан. Өөрөөр хэлбэл богино хугацаанд Монголын уул уурхайн салбарт үнэтэй хувь нэмэр оруулсан ҮНДЭСНИЙ ХЭМЖЭЭНИЙ мэргэжилтэн.

Д.Үүрийнтуяа захирлаар үнэхээр их бахархаж, хүндэлж явдаг
Би хүүхэд насаа “Эрдэнэт үйлдвэр”-ийн дэргэдэх “Энэрэл” асрамжийн төв хэмээх буянтай байгууллагад өнгөрөөсөн. Биднийг сурч хүмүүжих, төлөвших, ирээдүйгээ гэрэл гэгээтэй эхлүүлэхэд багш нар, үе үеийн удирдлагууд тэр дундаа Д.Үүрийнтуяа захирал яг л эх хүний сэтгэлээр хандаж, баяр гуниг, инээд хөөр бүхэнд нь хамт байдагт баярлаж явдаг. Халширмаар их ажлыг нуруундаа үүрч, АЧААЛЛААС ШАНТРАЛГҮЙ ирсэн чадвар нь хүн бүхний нүдэнд ил.